ఆంధ్ర చావులు నాగరికం..తెలంగాణా చావులు ఆటవికం..

మా యాదగిరి కాల్చుకొని చచ్చిపోయాడు,తల్లి లేదని కాదు,తండ్రి లేడని కాదు,తెలంగాణా రాలేదని.ఒక అనాధ ఆశ్రమం లో పదవ తరగతి వరకు చదివాడు.హొటెల్ లో కాషియర్ గా పార్ట్ టైం చేస్తూ ,ఇంటర్ చదువు కుంటున్నాడు,అంతే కాదు ఆ ఆశ్రమం లో అనాధలకు అండగా నిలిచాడు.అగరుబత్తులమ్మి అంధులకు ఆసరా గా నిలిచాడు.తెలంగాణా పోరాటం లో తన వంతు కర్తవ్యాన్ని నిర్వహించాడు,పోరాడాడు.ఛలో అసెంబ్లీ లో పాల్గొన్నాడు,ఆత్మాహుతికి సిద్ధ మయ్యే వచ్చాడు.
ఆ ఉత్తరం చదువుతుంటే,ఆ అమాయకత్వానికి,ఆ బాధకు కరుగని గుండె ఉండదు,తెలంగాణా లో ఏడవని కన్ను ఉండదు.
ఇంత చేసినా తను వోట్ వేసిన సబితమ్మ గుండె కరుగలేదు,ఆ కాంగ్రెస్ నేతల మనసు మారలేదు.సరికదా సీమంధ్ర నేతలు అసలు అతను విద్యార్థి కాదని కొట్టిపారేశారు.అంతటి అహంకారం,అంతులేని కరుడత్వం.
ఒక్క పొట్టిశ్రీరాములు చచ్చిపోతే ఆంధ్ర రాష్ట్రం ఏర్పడాలి,ఆయన మీద నాన్ డీటైల్ మేము తర తరాలు చడువాలి.కాని మా సాయుధ పోరాట చరిత్ర చదువొద్దు.ఎందుకంటే ఆంధ్రా వాళ్ళ చావులు నాగరికం,తెలంగాణా వాళ్ళవి ఆటవికం..మహారాష్ట్ర లో కర్ణాటక లో తెలంగాణా విమోచన దినం చేస్కోవచ్చు కానీ తెలంగాణా లో కూడదు ,ఎందుకంటే మాకు విమోచన రాలేదు,మేమింకా ఈ ఆంధ్రా పాలకులకు బానిసలం. మా విద్యార్థులు మరణాలకు పూర్తిగా కాంగ్రెస్ పార్టీ నే కారణం,చాలావరకు తె దే పా దోరణి కారణం.
ఇంకెందుకు శాంతి మార్గం,ఒక్క యాదగిరి ఎందుకు చావాలి,ఒక్క శ్రీకాంత్ మరో వేణుగోపాల్ ఎందుకు మరణించాలి,ఇవాళ తెలంగాణా అందరి ఆశయం ,మరణమే శరణ్యం అయతే అది అందరం కలిసే చేయొచ్చు,పోరాటమే మార్గం అయతే మరో సాయుధ పోరాటం కి మార్గం వేయొచ్చు.మన పెద్ద మనసు మన బిడ్డల ప్రాణాలను,ఆఖరికి వారి ఆత్మగౌరవాన్ని దెబ్బతీస్తుంది.ఇంకా ఉపేక్షించి లాభం లేదు.వెనకటనే గాంధీ ఇక్కడ సత్యాగ్రహం కూడదని హుకుం జారి చేసాడు,ఒంటరులం,నేలను రక్తం తో తడిపి సాధించుకున్నాం.ఇవాళ మళ్లీ ఒంటరివాళ్ళం,మన దిక్కు మనమే,మన నుదిటి రాత మళ్లీ మనమే రాసుకోవాలి,రాస్తున్న ఈ క్షణం లో కూడా వార్త వస్తుంది,సరిత అనే అమ్మాయి తెలంగాణా కోసం ఆత్మాహుతి,నిన్న సవేరా ,ఇంకా ఎందరో ౩౦౦ దాటాయి,౩౦౦౦ దాటినా ఈ ప్రజాస్వామ్యం మనల్ని కనుకరించే సూచనే లేదు.
ఇవాల్టి నినాదం విజయమో ,వీర స్వర్గమో..పోరాటమో ప్రాణ త్యాగమో..ఇంకా వేచి ఉంటె లాభం లేదు,ఇంకో మార్గం లేదు ,ప్రాణాలను పనం పెట్టే మరో సాయుధ పోరాటం,ఇదే రాబోయే తెలంగాణా పోరాట విధి విధానం..

లఠీలు...తూటాలు ... రాజకీయ రంగులు..

తెలంగాణా అంతా ఆందోళనగా ఉంది.తెరాస రాజీనామాల బాట పట్టారు.కాంగ్రెస్ మొండి చేయి చూపించింది.తె దే పా తనదైన శైలి లో నాటకాలు ఆడుతుంది.ప్రజల సహనానికి పరీక్ష ,విద్యార్థులకు లాఠీలతో శిక్ష.ఇదంతా అనుకున్నదే..
ఫెబ్రవరి 14 ,2010..తెలంగాణా చరిత్ర లో బ్లాక్ డే.ఉస్మానియా విశ్వవిద్యాలయం లో చదువుల చెట్టుకు ,ఖాఖి చెదలు పట్టాయి.డఎర్ మళ్లీ జాయింట్ కమీశ్నర్ సీతారామాంజనేయులు లా తిరిగి పుట్టాదేమో..ఇది భారత స్వతంత్ర ఉద్యమం లో జరిగిన జలియన్ వాల భాగ్ ఆ అనిపించింది.గేట్లు మూసేసి,వేల కొద్ది బలగాలు మొహరించి,అబ్బాయి ,అమ్మాయి అని తేడా లేకుడా చితకబాదారు,దుర్భాషలాడారు,భాషప వాయువు వదిలారు,ఎన్నో రౌండ్లు రుబ్బెర్ బుల్లెట్లు తో కాల్చారు...
వీరంగం ఇంకా ఆగక ,మీడియా వాళ్ళ తలలు బద్దలు కొట్టారు,రక్షణ కవచం లా వాడుకొని విద్యార్థులు రాళ్ళు విసిరితే వాళ్ళకి తగిలేలా చేసారు,మీడియా బండ్లను పోలీసులు తగలబెట్టారు...
ఇంత నిరంకుశమైన కాంగ్రెస్ పాలనా విధానాలు ,యావత్తు ప్రజాస్వామ్యానికే మచ్చ తెచ్చాయి..తె దే పా ఖండించింది మరి వెళ్ళలేదు?ఆపలేదు? ఎందుకో తెలంగాణా ప్రజలు అడిగితె మళ్లీ తప్పు ? కాంగ్రెస్ అయతే పోలీసులను వెనకీసుకోచ్చింది ,అసెంబ్లీ లో హొమ్ మంత్రి ఇచ్చిన స్టేట్మెంట్ పూర్తిగా అబద్దం.. హైకోర్ట్ సింగిల్ బెంచ్ అక్షంతలు వేస్తె ప్రభుత్వం ముగ్గురు న్యాయమూర్తుల ధర్మాసనానికి వెళ్ళింది,అది తిడ్తే ఏకంగా సుప్రీం కోర్ట్,ఇవాళ అది అక్షింతలు వేసింది..అయనా ప్రభుత్వానికి చలనం లేదు..నిరకుశాత్వానికి పరాకాష్ట ఈ రోశయ్య ప్రభుత్వం.
తెలంగాణా కష్టాలు ప్రజలు తెచ్చుకున్నవే కాంగ్రెస్ కి వోట్ వేసి,గెలిపించి..ఈ శిక్ష తప్పదు.రాజకీయాలు కాదు ఉద్యమం తో వస్తది అన్నది కూడా తప్పే,రాజకీయ ప్రక్రియ లేకుండా ఎంత ఉద్యమించినా జరుగదు..ఇప్పటికైనా ప్రజలు అప్రమత్తంగా ఉండాలి,తెరాస ఒక్క సీట్ బై elections లో ఓడిపోయినా తెలంగాణా ఉద్యమం ఇంకో తరం వెనక్కి పోతది..కే సి ఆర్ రాజీనామా తప్పో ఒప్పో ఏదో ఒక ప్రయత్నం జరుగుతుంది,విమర్శించే విష్ణు నే ఆమరణ దీక్ష కు కుర్చోమనే ప్రజా చైతన్యం రావాలి..ఇవాళ కోడిగుడ్లు తో దాడి కాదు,రేపు వోట్ల తో ఈ పార్టీలను శాశ్వతంగా వెలివేయాలి..అవసరమొస్తే భా జ పా కైనా అవకాశం ఇవ్వాల్సిందే,తెలంగాణా తెచ్చుకోని తీరాల్సిందే..ఇప్పుడు కావాల్సింది ఉద్యమం కాదు,ఆవేశానికి సరైన ఆలోచన ,కొంత సహనం ,సంయమనం,మనల్ని మన ఉద్యమాన్ని కాపాడుకోవడం..

శ్రీకృష్ణ కమిటి ని ఎందుకు వ్యతిరేకిస్తున్నాం?

శ్రీ కృష్ణ కమిటి విధివిధానాలు తెలంగాణా ప్రజలను తీవ్ర అసహనానికి గురిచేస్తున్నాయి.వ్యతిరేకించడానికి ముఖ్య కారణాలు:
1.తెలంగాణా ఇస్తే ఏర్పడబోయే సమస్యలు ఏంటి,వాటి పరిశ్కారలేంటి?దీనికి కమిటి వేసిఉంటే హర్షించేవాళ్ళం,కనీసం తెలంగాణా రాష్ర ఏర్పాటు ఎందుకు అడుగుతున్నారు?ఎటువంటి ఒప్పందాలు జరిగాయి ?ఎంతవరకు ఉల్లంఘనకు గురయ్యాయి?ఈ వాదన లో నిజమెంత అని కమిటి వేసినా ఒప్పుకునేవాళ్ళం.కానీ 53 ఏళ్ళ తెలంగాణా కు ,53 రోజుల సమైక్య వాదానికి ముడిపెట్టడం తెలంగాణా ప్రజల ఆత్మగౌరవాన్ని తీవ్రంగా దెబ్బతీస్తుంది.తెలంగాణా లో రెండు వాదాలుంటే వేరు,ఇక్కడే ఒకటే వాదం తెలంగాణా వాదం ,వీళ్ళు కలిసుండాలో ,విదిపోవలో ఆంధ్ర వాళ్ళని అడుగుతాం అంటే ఎంత నీచంగా ఉంది.
2.తెలంగాణ ఉద్యమానికి అసలు మూలము నది జలాల సమస్య,దాని ప్రస్తావన లేదు .
౩.ఇడ్లి సాంబార్ గో బ్యాక్ కావొచ్చు,ఆంధ్ర వాలా భాగో కావొచ్చు ఆ నినాదాలు రావడానికి ఇక్కడి కొలువులు అక్కడి వారు దోచుకోవడం,ముల్కి ,610 జి.ఒ ఉల్లంఘన.మరి ఆ ఉద్యోగుల ప్రస్తావన లేదు.
4.వీళ్ళు వేసిన అభివృద్ధి కమిటి కి 10 నెలల గడువు అనవసరం,ఇది కేవలం కాలయాపన చేసి ఉద్యమాన్ని నీరు గార్చేతందుకే .విదివిధనాలోన్నే పక్షపాతం ఉన్నాక రాబోయే రిపోర్ట్ తెలంగాణా కు అనుకూలంగా ఉంటుందని ఎలా విశ్వసిన్చామంటారు తెలంగాణా జనాలని?
5.పోనీ ఈ కమిటి కి రాజ్యాంగ బద్ధత ఉందా అంటే లేదు ? రేపు ఈ కమిటి సిఫార్సులు సమైక్యవాదులు ఒప్పుకుంటారని లేదు.
కమిటి ని స్వాగతించే తెలంగాణా వాళ్ళెవరన్నా ఉంటె,వాళ్ళందరూ నిజంగా తెలంగాణా ఉద్యమ ద్రోహులు,ఇంకా అనుమానమే అవసరం లేదు.
తెలంగాణా గాయపడిన దేహం తో ,అవమాన భారం తో,మోసపోయిన దీనత్వం తో,మళ్లీ ఉద్యమానికి కదులుతుంది..
ఈ కన్నీటి కథ కు అంతం పలికే దెప్పుడో? ఇంకెన్ని ఉద్యమకుసుమాలు నేలరాలాలో ,ఇంకెన్ని అసువులు మంటల్లో కాలాలో ?

రాష్ర విభజన అంటే కేకు కట్ చేయడం కాదు..

రాష్ట్ర విభజన అంటే కేకు కట్ చేయడం కాదు..ఇది మన రాష్ట్ర, సారి, మన గత ఆంధ్రప్రదేశ్ రాష్ట్ర కాంగ్రెస్ వ్యవహారాల ఇంచార్జిఁ వీరప్ప మొయిలి గారి మాట,ఢిల్లీ j m u తెలంగాణా విద్యార్థులు నిలదీస్తే చెప్పిన సమాధానం.మరి ఇంత కష్టమైన పనిని,అంత సులువుగా మీ ఎన్నికల మానిఫెస్టోలో ఎలా చేర్చారో సెలవిస్తారా..?ఇదే ప్రశ్న తెదేపా పార్టీ కి కూడా వర్తిస్తుంది.
మాటే కదా అని వాడారే తప్పితే,ఇచ్చేది చచ్చేది లేదనుకొని వీరు వెలగబెట్టిన పని,ఇంత మంది తెలంగాణా తల్లుల కడుపు కోత,తెలంగాణా కి మరింత క్షోభ,ఇరు ప్రాంతాల మధ్య మరిన్ని విద్వేషాల మంట..
కే.వి .పి ఆస్తుల మీద చంద్రబాబు విమర్శలు,బాబు మీద చిత్రగుప్తుని లేఖాస్త్రాలు...తెలంగాణా మాటను తోవ నుండి తప్పించడానికి ఇరువురి కుటిల ప్రయత్నాలు..మధ్యలో ఇంకో ముసలినక్క బడ్గ్ద్గెట్ సమావేశాలు జరపాలని వంక తో కమిటి విధివిధానాలు రాకుండా కాలడ్డం పెట్టడం,సమీక్ష అంటూ తిరగడం,జై తెలంగాణా అంటే సహించకపోవడం.
తెలంగాణా వస్తదో రాదో తెలీదు కాని,ఈ వ్యక్తులను , ఈ రెండు పార్టిలను తెలంగాణా ప్రజలు శాశ్వతంగా బహిష్కరించాలేమో...ప్రజలంటే విలువలేదు,ప్రజాస్వామ్య మంటే గౌరవం లేదు,భారతి నేటి నీ దుస్థితి,ఈ దుర్యోధన దుష్యసన కీచక రాజకీయ చదరంగం లో నీ కన్నీటికి బేరం కట్టే స్తితి.
ఇవాళ దేశమంతా చదువుకున్న అజ్యానులు,లేకుంటే నాలుగు కోట్ల తోటి భారతీయులు ఇన్ని అవస్తలు పడుతుంటే ఏమయ్యిందని అడిగే నాధుడు లేదు,మన సమస్య కాదనుకోవడం దేశ సమైక్యతను పెంచుతుందా?చిన్న రాష్ట్రం అడగటం పెద్ద నేరం లా చూస్తున్నారు,ఈ అణగారిన మనుషుల గోడు ఒక సారైనా కనీసం వినరే?చచ్చేవాడి ఆఖరి కోరిక తీర్చాలంటారు,మరి 200 చావుల తరువాత కూడా మీలో ఆ మానవత్వం కదలట్లేదా?
గాంధీ పుట్టిన దేశం లో మా శాంతి సత్యాగ్రహాలు ధనికుల లాబీయింగ్ ముందు ఓడిపోతుంటే,ఆయన ఆత్మా ఎంత బాధపడుతుందో ..మళ్లీ పుట్టుకరావాలేమో ఆ నేతాజీ మా ఈ స్వరాజ్య సమరం లో... రేపటి తెలంగాణా మహొదయం లో...

రేపటి తెలంగాణ పై అపోహలు...

తెలంగాణ వస్తే దొరల రాజ్యం అవుతది, లేదంటే నక్సల్స్ రాజ్యం అవుతది ఇలాంటి వాదనలు వింటున్నాం,రెండు ఒకరే అనడం విశేషం,నక్సల్స్ ఉన్నాక దొరల రాజ్యం ఎలా ఉంటది?సామాజిక అణిచివేత తోలిగిపోయక నక్సల్స్ ఉద్యమం దేనికి ఉంటది?అణగారిన కులాల పోరాటం దేశమంతా ఉంది,తెలంగాణ వచ్చినా కొన్నాళ్ళు ఉండొచ్చు,ఇంకా తొందరగా ఆ వైషమ్యాలు పోయి సమ సమాజం ఏర్పడా వచ్చు ,ఇంత ఉద్యమం చేసిన వాళ్ళం దానికి సహకరించమా ..
తెలంగాణ ఉద్యమం వళ్ళ హైదరాబాద్ లో పెట్టుబడులు పోతున్నాయ్ అని మాట్లేడేవారు ఉన్నారు.మాకు ఆ పెట్టుబడుల వళ్ళ భూములు పోయినయ్,మరి ఉద్యోగాలు కూడా రాలేదు ,మాట్లాడేవారు ఒక్కరోజు కూడా ఈ అన్యాయం ప్రశ్నించాలేదే?
పోనీ ఒక్క రాత్రి లో రిలయన్స్ మీద అంత పెద్ద దాడి జారినందుకు మరి పెట్టుబడులు పోతున్నాయి అని మాట్లాడలేక పోయారెందుకు?అసలు పెట్టుబడులు పోవడానికి తెలంగాణ ప్రజలు కారణమా?వారికి ఇచ్చిన మాట తప్పిన రాజకీయ పార్టీలు కారణమా?బలవంతపు ఉద్యమం నడుపుతున్న సమైక్యవాదులు కారణమా ?
మీకు సత్తా ఉంటె ఉద్యోగాలు రావా ? ఇదొక వెర్రి ప్రశ్న?అసలు తెలంగాణ లో మీరు పెట్టిన బడులెన్ని ? నిజాం ప్రభత్వం కింద అక్షరాస్యత శతం 81/1000,అది కూడా ఉర్దూ మీడియం.అది అదనుగా తీసుకోని మిలిటరీ రూల్ కింద ఇక్కడి ఉద్యోగాలు ఆంధ్ర మేధావులు తీసుకోలేదా ? దొంగ ముల్కి సర్టిఫికెట్లు పెట్టలేదా?నీళ్ళు లేక పంట లేక ఆకలి తో బిడ్డలను అమ్ముకుంటుంటే ,ఎలా వస్తది అక్షరాస్యత?బడులు లేవు,సరైన సంఖ్య లో ప్రభుత్వ కళాశాలలు లేవు,అన్ని ఎదురీది చదవితే,ఇవాళ ఓ osmaniana మెడికల్ కాలేజీ లేదా గాంధీ తీసుకుంటే 1500 లో 400 మంది కూడా తెలంగాణ వాళ్ళు లేరు?హైదరాబాద్ సెంట్రల్ యునివర్సిటే లో ఓ అమ్మాయి వాపోతుంది ,మా బాచ్ లో ముగ్గురమే తెలంగాణ వాళ్ళం.నిబంధనలన్నీ ఏ గాలి లో కలిసిపోయాయ్ ?మమ్ముల్ని చదువే చదువ నివ్వరు,చదివినా ఉద్యోగాలు అస్సలు ఇవ్వరు,మాకు సత్తా, సామర్ధ్యం లేదని వ్యంగ్య ప్రహసనాలు.మీకంత సామర్ధ్యం ఉంటె మీ ఆంధ్ర నెందుకు వెళ్లి అభివ్రుది చేసుకోరు?మాకెందుకు మీ విషపు మర్రి చెట్టు నీడ.
మాకు 200 వందల కోట్ల ఫల్యోవర్లు వద్దు,ఔటర్ రింగ్ లోద్దు,కావాల్సింది మా రైతులకు కాసిన్ని నీళ్ళు.మా చేనేతకు కాసింత ఆసరా.మా పోరాగాల్లకు గ్యానమిచ్చే నాలుగు అక్షరం ముక్కలు,మా తల్లులకు పురిటికి దగ్గరలో ఆసుపత్రులు, అపోల్లో లు కేర్ లు వద్దు,దారిలో ప్రాణం పోకుండా నాలుగు ధ్రమసుపత్రులు,గుల్ఫ్ లో చావులు కాదు కడుపు నిన్డటానికి కొలువులు,మా ఈ కోరికలు కోరరానివని మాట్లాడితే మాకా దేవుడే దిక్కు చూపించాలి.
ప్రత్యేక తెలంగాణ మేజిక్ పిల్ కాదు ,వెంటిలేటర్ మా ఆఖరి ప్రయత్నం ఇక్కడి బతుకుల్ని కాపాడటానికి..
రేపు తెలంగాణాను ఎలా అభివృద్ధి చేస్తామో ఇవాళ చెప్పమంటారు,అయ్యా!ముందు బతకనివ్వండి,కోమా నుండి బయటికి రానివ్వండి ,మా కష్టాలు మేము పడతాం,నవ్విన నాపచేనే పండుతదని మాలాంటి అజ్యానుల నమ్మకం..విజ్యులు ఇక సెలవు తీసుకోండి ,మా ఇంటి నుండి సగౌరవం గా బయలుదేరండి..

సమైక్య రాగం..హైదరాబాద్ వాదం..

చాలా వ్యాసాల్లో చూసాను ,తెలంగాణా ప్రత్యేక రాష్ట్ర కోరిక, దేశ సమైక్యతను దెబ్బతీస్తుందని,ఇది దేశ విభజన గా మారుతుందని అభిప్రాయాలు.నాకు విడ్డూరంగా ఉంది,ప్రజాస్వామిక దేశం లో ,ప్రజలు మాకు నీళ్ళు లేవు,కూడు లేదు,చదువుకునే అవకాశం లేదు,ఉద్యోగాలు అంతకంటే లేవు,మమ్మల్ని మా దారిన బ్రతకనివ్వండి,మీతో కలిసి మేము నష్టపోయాం అని వాపోతుంటే ,వారికి రక్షణ కల్పించడం భారత ప్రభుత్వ కనీస భాద్యత కాదా.పోనీ ఇది మొదటిసారా? ఎన్నో సార్లు వాగ్దానాలు ,ఉల్లంఘనలు.హిందూ ధర్మం లో పెళ్ళికి విలువ ఇస్తుంది,కలిసుండమనే చెబుతుంది,మరి విడాకుల చట్టం ఎందుకొచ్చింది ,కలిసుండటం పేరు మీద దురాగతాలు జరిగితేనే కదా.ఇవాళ తెలంగాణా మీద ఎన్ని దురాగతాలు జరిగినవి,ఇపుడు విడాకులు కోరితే తప్పేముంది?
సమైక్య వాదులకు సూటి ప్రశ్న?దేశ సామైక్యత కోసం ఇన్ని రాష్ట్రాళ్ళు మొత్తం తీసివేసి కేవలం భారత రాష్ట్రం మిగుల్చుదామా?పాలన సాధ్యమేనా?పాలన సౌలభ్యం కోసం రాష్ట్రాలు ,జిల్లాలు, మండలాలు,ఊళ్ళు .ప్రజల ఇష్టాలకు తావు లేని సామ్రాజ్యవాద దృక్పధం తో నడుస్తుంది సమైక్య వాదం(దీన్ని ఉద్యమం అనటానికి నేను ఇస్తాపదట్లేదు,ఎందుకంటే ఇది పెట్టుబడిదారుల వాదం,ప్రజలది కాదు).
సమైక్య వాదానికి పాపం దివంగత నేత పొట్టిశ్రీరాములు పేరును వాడుకుంటున్నారు.ఆయన మద్రాసు రాజధాని గా ఆంధ్ర రాష్ట్రం ఏర్పడాలని ప్రాణాలు అర్పించారు,ఆయన కోరిక తీరనేలేదు,ఆయనకు తెలంగాణా కు ఎటువంటి సంభంధం లేదు.పోనీ భావజాలం అయతే,ఆయన కూడా వేర్పాటువాది.
సమైక్య వాదం అంటే తెలంగాణా ప్రజలను ,నాయకులను దూషించడం ,ద్వేషించడం ,తెలంగాణా వాదాన్ని అవమానపరచడమా..సమైక్య వాదం కన్నా హైదరాబాద్ వాదం గా దీనికి పేరు మారుస్తే బాగుందేమో ,ఎందుకంటే వాళ్ళ సమైక్య ఆంధ్రలో హైదరాబాద్ తప్పితే మరే తెలంగాణా ప్రాంతం లేదు.చాలా మంది సీమంధ్ర విద్యార్థులు నన్ను అడిగారు మీరు హైదరాబాద్ వదులుకోని మిగితా తెలంగాణా తీసుకోండి, మీకు మీ ప్రాంతం మీద అంత ప్రేమ ఉంటె? వందల సంవత్సరాలుగా మా రక్తం ధారపోసి నిర్మించిన హైదరాబాద్ నగరం ,యాభయ్ సంవత్సరాలు మీరు మాతో పాటు ఉన్నంత మాత్రాన మీకు అప్పగించాలా?పేద వాడికి గజం చోటు మిగల్చని ,గ్రేటర్ హైదరాబాద్ రియల్ ఎస్టేట్ కాన్సెప్ట్ ని మేము గౌరవించాలా?రేపు మీరు బెంగుళూరు లోనో ,చెన్నై లోనో ఆస్తులు కొనుక్కుంటే అవి ప్రత్యేక రాష్ట్రాలు చేయాలా? 200 కిలోమీటర్ల దూరం లో ఉండే రాజధానిని నిజంగా రేపటి ఆంధ్ర రాష్ట్ర ప్రజలు కోరుకుంటారా? పోనీ హైదరాబాద్ కి కరెంటు.నీళ్ళు .పనివాళ్ళు,అన్ని 200 కిలోమీటర్ల దూరం నుండి తెచ్చుకుంటారా?తెలంగాణా రష్ట్రం లో అంతర్భాగం కాకుంటే తెలంగాణా ఇవ్వదు కదా?
అదుర్స్ సినిమా ని ఆపొద్దు, నేను తెలంగాణా బిడ్డను, అని జూనియర్ ఎం టి ఆర్ చెప్పుకుంటాడు,పోనిలే అని వదిలేస్తే,అదుర్స్ సినిమానే అడ్డుకోలేకపోయారు,మీరు తెలంగాణా ఏమి తీసుకొస్తారు ? అని అదే సినిమా నిర్మాత కోడాల నాని రెచ్చగొడతారు,ఇదా సినిపరిశ్రమ ఉండాల్సిన తీరు? కళ పేరు మీద కుటిల రాజకేయం మేము సాహించాలా?
తెలంగాణా నే కాదు ఆంధ్ర కూడా ఆలోచించాలి ,ఈ రాగం వాదం ఎవరి కడుపు నింపడానికి?ప్రజల పై పెట్టుబడి దారుల పెత్తనాన్ని ప్రతి ఒక్కరు వ్యతిరేకిన్చాల్సిందే.,ప్రశించాల్సిందే?

తెలంగాణ గోరింట సెగలు....

ఇప్పుడు రాసే ప్రతి అక్షరం లోను ఉద్వేగం ఉంది,నిన్నటి తెలంగాణ ఆవేశం ఉంది,రేపటి తెలంగాణ కై ఆశ ఉంది,అన్నిటికన్నా చరిత్ర ను వక్రీకరించకుండా, ఒక సామాన్యుని కోణాన్ని, ముందు తరాలకు భద్రపరచాలన్న ఆకాంక్ష ఉంది,ఆ భాద్యత కూడా నాలాంటి చదువుకున్న విద్యార్థులు మీద ఉంది.
తెలంగాణ కోటి రతనాల వీణ,నిజాము నిరకుషత్వం లో,సీమంధ్ర అనిచివేతలో,తీగలు తెగి ,అగ్ని లో తోయబడి,నేడు విప్లవ రాగాలు పలుకుతున్న రుద్రవీణ ఇది.1969 లో తూటాలకు ,2009-10 లో అత్మహుతులకు రక్తం లో తడిచి ,మంటల్లో కాలి ,ఈ నేల గోరింట సెగల తెలంగాణ గా మారింది .
ఇలాంటి చారిత్రిక ఉద్యమం లో పాల్గొనే అవకాశం వచ్చిన వాళ్ళందరం అదృష్టవంతులం.ధర్మానికి, అధర్మానికి మధ్య యుద్ధం జరుగుతున్నప్పుడు,అధర్మం వైపు నిలిచేవాడు ఎంత దోషో,ప్రేక్షక పాత్ర వహించేవాడు అంటే దోషి,ఇది నేను చదివిన భగవద్గీత,నేను నమ్మిన కృష్ణుని మాట.యధ్రుచికమే కానీ ఇవాలే జస్టిస్ శ్రీకృష్ణ అద్వర్యం లో కమిటీ ఏర్పడింది.విధి విధానాలు ఖరారు కాలేదు కానీ ,నిరాశ పరిచేలా ౩ ఏళ్ల కాలపరిమితి అని వార్తలు వస్తున్నాయి.పాండవులు 5 ఊల్లు అయనా పర్లేదు అని కృష్ణుడిని కౌరవుల దగ్గ్గరికి రాయబారం పంపారట మన తెలంగాణా కాంగ్రెస్ ప్రజాప్రతినిదుల్లా,ద్రౌపదీ అన్నా మరి నాకు జర్గిన అవమానానికి సమాధానం లేదా?అని బాధను వెల్లడించింది,తెలంగాణా తల్లి లా.ఈ శ్రీ కృష్ణ రాయబారం విఫలమైతే,తర్వాత జరిగే కురుక్షేత్రం సీమంధ్ర ప్రజలు కొని తెచ్చుకునే పెను ప్రమాదం.
తెలంగాణ ఉద్యమం ఈ దఫా ఇప్పటివరకు చాల శాంతియుతంగా జరిగింది,అయినా ఇందులో అసాంఘిక శక్తులు చొరబాడ్డాయని నివేదికలు,వ్యాఖ్యానాలు.సాధారణ పరిస్థితుల్లో ఆయుధాలతో సాధిస్తాం అనే సిద్దాంతాన్ని నేను నమ్మకున్నా,జరిగేది తెలంగాణా విముక్తి పోరాటం,మరో దఫా స్వతంత్ర పోరాటం,ఇటువంటి పరిస్తితిలో అతివాదుల నైనా ,మితవాదుల నైనా,సమానంగా గౌరవించాలి.అయినా ప్రజల ప్రజాస్వామిక ఆకాంక్షను రాజకీయ పార్టీలు గౌరవించకుండా,వాళ్ళ భావాలతో,బతుకులతో ఆడుకుంటుంటే ,కంచే చేను మేస్తే అన్నట్టు ప్రభుత్వాలు ,ప్రతిపక్షాలు ప్రజల్ని మోసం చేస్తే ,వాళ్ళ గోడు ఎవరు వినాలి,వాళ్ళని ఎవరు ఆదుకోవాలి.
తెలంగాణా ప్రజలకు ఇపుడు ముందున్న ప్రశ్న,ఇంతలా పోరాడం ,అందరం ఒక్కటై గొంతెత్తి చాటం,అయనా పెట్టుబడిదారుల ముందు ప్రజలు ఓడిపోతూనే ఉన్నారు.ఇంకెలా పోరాడాలి,పోరాటానికి దిశా దశ ఏంటి? ఈ సంఘర్షణలో చాలామంది నిరాశానిస్పృహల్లో ఆత్మహత్యలకు పాల్పడుతున్నారు.సమైక్య వాదం చేసేవాళ్ళు కనీసం జాలి, మానవత్వం లేకుండా ,ఆత్మాహుతి దళాలు ,ltte లాంటి తీవ్ర పదజాలం తో ఇక్కడి ప్రజల గాయాల పై కారం పూస్తున్నారు.నిజానికి ఇవాళ ఆంధ్రకైన,తెలంగాణా కైనా నిజమైన అసాంఘిక శక్తులు ఈ పెట్టుబడిదారులే.
తెలంగాణా లో తెలంగాణా వాదం లేదంటే నవ్వొస్తుంది,దీన్నిఏదో మంత్రం వేసి అపగలమనుకుంటే అది అవివేకం కాక మరొకటి కాదు.నాకు తెలంగాణా ఉద్యమం తో మొట్ట మొదటి పరిచయం అయింది నా 10th క్లాస్ లో అంటే పదిహేడేళ్ళ వయసులో ,అది ఏదో మాటల సందర్భం లో కృష్ణ,గోదావరి నదీ ప్రవాహాల విషయం లో ,తెలంగాణకు జర్గుతున్న నీళ్ళ దోపిడీ గురించి.ఆ రోజు నేను అక్కడే మరిచిపోయిన విషయం ,ఎవరైనా పెంచి పోషించారంటే అది ఈ సీమంధ్ర పాలకుల వ్యవహారాలే.జర్గుతున్న అన్యాయాన్ని ,దోపిడిని,అనిచివేతను భరించలేక,చరిత్రను చదవాల్సి వచ్చింది,పరిష్కారం ఆలోచించాల్సి వచ్చింది,ప్రత్యేక తెలంగాణా రాష్ట్ర సాధనే మార్గం అని తేల్చుకోవాల్సి వచ్చింది.ఈ ఆరేళ్ళ లో ఉద్యమం ఇలాగే అందరి మనస్సులో ఎదుగుతూ వచ్చిందేమో,అసలు ఈ యాభై మూడేళ్ళలో నివురు గప్పిన నిప్పులా,నిర్విరామంగా ఉద్యమం నడుస్తూనే ఉందేమో.ఇవాళ సంవత్సరం పాప జై తెలంగాణా అంటుంటే,ఐదేళ్ళ పిలగాడు బండెనక బండి కట్టి ...అని పాట పాడుతుంటే, ఉద్యమం ఈ నేల వారసత్వమై విరజిల్లుతుంటే,ఈ తపస్సుకు ఏదో రోజు భాగీరధ ప్రయత్నం లా ఫలించి ,స్వతంత్ర గంగ ఈ నేల మీదికి పరుగులు తీస్తూ రాదా,ఆ అమరుల ఆత్మలకు ముక్తి చెకూర్చదా ..