బతుకమ్మ..

కట్ల పూవులు మా కోమటి అక్కలు,

గోరింట పూవులు మా గొళ్ళ భామలు ,

చేమంతి పూవులు మా వడ్రంగి చెల్లెళ్ళు,

బంతి పూవులు మా బడుగు పిల్లలు.

తంగేడి పూవులు మా తెలగ కూనలు,

గునుగు పూలు మా దుదేకులపోల్లు ,

సన్నజాజులు మా సాకలి వదినలు ,

గుమ్మెడి పూవులు మా ఔసాలి పిన్నులు .

పువ్వు పువ్వు కో వర్ణం ,ప్రతి వర్ణం సువర్ణం;

కలగలిసి వెలిసిన బతుకమ్మ, తెలంగాణ కొంగు బంగారం.

ఇది నాకు తెలిసిన ,నేను ఊర్లో చిన్నప్పటి నుండి ఆడి పాడిన బతుకమ్మ.నా తెలంగాణా అస్తివం,తర తారలు గా అందిన సంస్కృతి,సంప్రదాయం..100 మంది కొడుకులు చనిపోతే,తపస్సు చేసిన ధర్మాన్గుడను రాజుకు స్వయంగా లక్ష్మి దేవి జన్మించిన కథ..నువ్వన్న బ్రతుకమ్మ అని బతుకమ్మ అని పేరు పెట్టిన కథ.ఇవాళ తెలంగాణా లో 400 మంది బిడ్డల మరణాలు,ఇవాళ ఉన్నవాళ్ళని బతుకమ్మా అనే చెప్పాలి..ఎడారి లో పూసే తంగేడి పూవు లా ఈ కష్టాలకు నిలదోక్కుకోమని చెప్పాలి..ఆ గౌరమ్మ పార్వతి దేవి రూపమై రాబోయే యుద్ధానికి పోరాడే ధైర్యాన్ని ఇవ్వాలి..ఇది సగటు తెలంగాణా వాడి ఆలోచన..ఇది జర్పుతమని ఒకరు..బహిష్కరిస్తామని ఒకరు లేని వివాదం తెచ్చిపెట్టారు..బిడ్డలు చచ్చిపోయి బాద లో ఉంటె పండగేంటి అని కొందరి వాదన ..మనిషి చనిపోయిన రోజే కర్మ కాండలు చేసి వచ్చిన కొడుకులు తినేవరకు మిగితావారు తినరు..ఇక్కడ ఆహారం ముఖ్యం అని కాదు..depression (నిరాశ,నిస్పృహ) లోకి ఆ కుటుంబం వాళ్ళు జారకుండా కాపాడుకోవడం..ఇది హిందూ సంప్రదాయం లో ఉన్న మానసిక శాస్త్రం..ఈ బతుకమ్మ పండక్కి కూడా కుటుంబ సభ్యులను కోల్పోయిన వారిని ఇంటికి పిలిపించుకొని చూసుకుంటారు,ఫలహారాలు పంపుతారు ..అదొక సహజమైన కోన్సిల్లింగ్..ఇవాళ తెలంగాణా లో ఇదే అవసరం..నిరంతర ఉద్యమం లేదు కానీ నిరంతరమైన ఆందోళన అందరిలో ఉంది..ఆది అధికమించలేని వాళ్ళు ఆత్మహత్యలే శరణ్యం అనుకుంటున్నారు ..ఆ పల్లెల్లోకి ,పసి హృదయాల లోకి మన డాక్టర్స్ ని పంపి కోన్సిల్లింగ్ చేయలేం..కాబట్టి కనీసం జరిగేది జరగనివ్వాలి..ముందున్న డిసెంబర్ 31 ఏ ప్రమాదానికి తెరలేపుతుందో తెలీనపుడు,సమాజాన్ని వీలైనంత శాంతంగా ఉంచాలి..ఇది భాద్యత ఉన్న ఉద్యమకారులు ఆలోచించ వలిసి ఉంది..కాదని వితండ వాదం..ఎవరికో పేరు వస్తుందని చాదస్తం..అమ్ముడుబోయి మోగుతున్న స్వరం తప్పిన పాటలు..ఇవన్ని తెలంగాణా కి నష్టం చేసేదే కానీ లాభం చేసేవి కాదు..ఇంత పెద్ద పోరాటం ఒక పండగ జర్పుకోవల్న వద్ద అనే కాడికి దిగజార్చడం చాల పెద్ద నేరం,భాధ్య తా రాహిత్యం..
అమర వీరులకు గుర్తుగా ప్రతి బతుకమ్మ మీద దీపం పెట్టండి...వాళ్ళ ఆశయాన్ని గుర్తించండి..సమాజంలోకి ఇంకా లోతు గా తీసుకెళ్ళండి ...కూర్చున్న కొమ్మని నరకడం అవివేకం..